حيجي اليوم إلي تتروشو فيه

هاايو يا احلى اعضاء بالدونا يكولها ..
عنــوان الموضوع غريب هاا ..؟
أوكي انا حابه اتكلم شوية عن الترويش ..
كلنـا والحمـد لله نتروش .. صح ؟
ليش نتروش ..؟
لانه النظافه من الايمان .. ولانه نحب نكون نظيفين صح ..؟
اوكي دحين احنـا لما نتروش .. نغسل الجزء الخارجي بس صح ..؟
اقصد الجسم كله بشكل عاام من الخاارج ..
طيب كويس والحمـــــد لله على دي النعمـه ..
والله الواحد يطلع من الحمــام ( الله يكرمكم ) وهوا نظيف
ونشيط
وكدا احساس تاني ع الأخــر ..
واااااااااو شي رهيب ..
حتى نظرة الناس لك غيرر .. والله شوفوا ما شاء الله فلان دايماا نظيف. مو زي فلان التااني .. الله يهديه يتروش في السنه مرره
اوكي حلوو كدا عرفنا انه النظافه الخارجية مرره مهمة عشان الناس لا تشتكي منك اولا ..
وعشان انت تكون نضيف تاانيا ..

اوكي دا كلو مو موضوعنـا
الي ابغى اتكلم عنه الي هوا النظافة الداخلية ..
.. نضافة القلب ..
.. نضافة اللسان ..
.. نضافة التفكير ..
.. وكتيررر حااجاات ..
ليش دايما نهتم بالنضافة الخارجية وننسى الداخليه ..؟
مع انها اهم ..؟

ناخد مثال ..؟ اوكي
خلينا نقول جورج بووش .. اكيد انسان يحافظ على نضافتوو وبدلات وحركااات وسيارات وساعاات ووو..الخ
بس خلينا نشوف قلبه ..؟
تفكيره ..؟
لسانه ..؟
كلهم مو نضيفين ..
قلبه: اسود زي الحجرر .. ما يشوف الا الحاجات الي يبغاهاا ..
تفكيره: حقوودي لأبعد الحدود .. انااني .. مخاادع .. مو قد كلامه ..الخ
لسانه : كل شي عن العرب .. ما ساب شي الا وقاله .. سواء تهزيء او دق في الكلام .. الخ
مع انه نضيف من برا ..!
يؤيؤيؤ
ايش دا كيف نضيف من برا ومن جوا كدا ؟؟
لالا مررة ما ينفع .. محد رح يحبه ولا احد رح يطيقه .. بدليل لما مرض الكل صار يدعي عليه
[[يارب موته ويارب خده ويارب لا ترحمه .......ألخ ... صح ؟]]
اوكي
خلينا نشوف مثال تااني ..
ممممم خلينا نقول المجااهد ..
انساان قلبه كله طيبه .. كله حب لوطنه .. يبغى يدافع عن بلده .. عن اهله .. عن دينه ....
بس المجااهد مو دايما نضيف من بررا .. كيف كدا ..!
يؤيؤيؤ ايش بتقولي انتي ؟؟
اكيد مو دايما نضيف من بررا لانه في حالة حرب ..!
والحرب كلها تراب .. ودم ..وطين .. وموية وسخة .. وكل شي تتوقعه ..
بس قلبه نضيف .. !
حتكرهه ..؟
ايش حتختاار ؟؟
الي نضيف من برا .. ومو نضيف من جوا ؟؟
ولا
الي نضيف من جوا .. ومو نضيف من برا.. ؟؟

اكيـــــد طبعـــا حنختار الي
[[ نضيف من جوا .. ومو نضيف من برا ]]

طيب ايش رايك في الي يكون نضيف من الجهتين ..؟
نضيف من برا .. ونضيف من جوا ..؟
مو احلى ؟؟
مو احسن ؟؟
حتحبه اكتر صح ؟؟
حتقرب منه قد ما تقدر صح ؟؟
لدرجة انك تدافع عنه احيانا من شدة الحب صح ؟؟

اوكي ايش رايكم دحين نبدأ نتروش من جوا ؟؟
كلنا مع بعض ..!
يالله ؟
اوكي
خلينا نساامح كل النااس الي زعلانين منهم ..
يالله نقول : يـــــــــارب اشهــــــدك اني سامحت كل النااس الي زعلانه منهم او الي مزعلتهم ..
قولهـــا من جد وانتو تعنوهـــــا مو تقولوها لاني كاتبه الموضوع وانتو بس تقرو ..!
لالالا كدا ما حينفع .. ولا كأنك عملت شي ..
قولها من قلب .. زي لما تقولو كملة
[ أحبـــــكـ ]
بالله مو تقولوهـــا كدا من قلب .. بكل احاسيكـ ؟؟
يالله قولو دحين مرة تاانيه ..
يـــــــــارب اشهــــــدك اني سامحت كل النااس الي زعلانه منهم او الي مزعلتهم او الي ليا عندهم فلوس خلاص يارب انا مسامحتهم ما ابغى منهم شي
طلع كل الي في قلبك من كره وحقد وكل شي صدقني راااااااااااااااااااااااااحه
يالله جرب !

واااااااااااو
والله لو تعرف دحين انت قد ايش اخدت حسنـاات ..
والله كتيــــــر
دا غير انو الحسنة بعشــر امثالهاا .. مين قدك يا حلوو .. ايوا كدا خليك عسل واعطي الناس من حلاك .. صوره حلوه...
خلونا نزيد كمــــــان ونصير نضيفين اكتر واكتر .. يا محلاكي يا نضاافة .. لايقة عليناا .. ولايقهـ بديننا ..

يارب اغفر لي ذنبي ..
وانا ندماانه يارب على كل شي سويته..
يـــــــارب مالي غيرك لو انتا ما سامحتني مين حيسامحني ..
يـــــــارب لو انتا ما رضيت عليا مين حيرضى عليا ياربي
يـــــــارب لو انتا ما رحمتني مين حيرحمني يارحيم
يـــــــارب سامحني ونقي قلبي من كل الحقد والحسد وكل حاجة مو كويسة
يـــــــارب انتا القوي وانا الضعيف .. انتا الغني وانا الفقيرر يارب اصلحني يـــــارب
يـــــــارب اصلحني واصلح ديني واهلي وكل الي احبهم
يـــــــارب لما اموت الناس حتفتكرني يوم يومين شهر بس بعد كدا يــــــارب مين في غيرك حيفتكرني ؟؟
يـــــــارب مافي غيرك
مافي غيرك انت حينجيني من عذاب القبرر
يـــــــارب انت قلت يا عباادي ادعوني استجب لكم .. يـــــــارب
دعينا فأستجب لنا
انتا عارف وانا عارف انه اعمالي كلها ما حتدخلني الجنه .. لاني مقصر زيي زي غيري يارب رحمتك يا رحيم يـــــــارب مالنا غيرك مالنا الا رحمتك .. ارحمنا برحمتك . يارب اسالك ان تقول لنا غفرت لكم يا عباادي
يـــــــارب اشهدك اني دعوت واشهدك انك قلت ادعوني استجب لكم
اللهم استجب
اللهم استجب
اللهم استجب

كلام في قلبي حبيت اطلعه لكم لانكم اخواني ..
وان شاء الله دا الموضوع يعجبكم ...

واااااو والله روعه ما شاء الله طرح أكثر من رائع
يا راعي الشاص تشكر على المجهود الرائع
الله يسمع منك
لا عدمناك
ســـــلــــمــــلـــــــم

الله يسلمك يا M-Z-N

شكرا

واااااااااو ماشاء الله
كلام قمة الروعه
الله يسمع منك يا راعي الشاص

وننتظر مزيدك

العفو يا toota

أميييييين وتشكر يا كاتم أحزاني

يسلموو !!


اخوي عالطرح الرائعـ ..

الله يسلمك يا تولين